كل بيت فى مصر زعلان على امبارح
لانه معملش فيه حاجة
لانه امبارح معرفش يستعد للنهارده
وعشان كده
كل بيت فى مصر بيكره النهارده
عشان النهاردة اتفرض عليه
عشان معرفش يغيره
وعشان عارف انه ما حاولش يغيره
كل بيت فى مصر بيخاف من بكره
لان بكره ديما بيكون اسود من النهارده
لانه مش عارف ممكن يحصل ايه بكره
لانه ما بيتحكمش فيه و ما حاولش يتحكم
والعجيب ان
كل بيت فى مصر بيخاف م الحسد
19 comments:
هسألك سؤال غبي
هو انت اسمك ايه صحيح
حلو الكلام اللى انت كاتبه فعلا انا عن نفسي بكره امبارح علشان معملتش حاجة والنهاردة بكره علشان مش بعمل حاجة فيه وبكرة بكرهه لانى عارفة برضه انى مش هعمل حاجة انا بجد عايز اعمل حاجة بس مش عارفة ايه هى الحاجة دى
احمد
بس ساعات بغيره
وما كتبتوش فى المدونة
عشان مش لاقيله مكان لسه
جامدو جدا النهاية ديه
بجد فعلا الشعب المصرى
ده ليه حجات غريبة مش فى اى شعب تانى
ربنا يهديه
دا نوع من الانهزام
والرجوع القهقري
زي ما قلت و هبقول و هفضل اقول
مصر مش هتبقى احسن غير لوتعبنا
مصر مش هتبقى احسن غير لو ثرنا في وش كل حاجة
مش هتبقى احسن غير لما يحس الظلمة وكلاب الحكم بأنها كالخراف و النعاج
يعيشوا الخوف في كل لحظة بيعيشوها في مصر
السلام عليكم ورحمة الله وبركاته
واد غلبان ،، أحمد
اولا اشكرك جدا على زيارتك لمدونتي اللي كانت طريق اني اعرف مدونتك واشكرك على رأيك اللي اكيد يهمني جدا
ثانيا قبل ما اعلق هطلب طلب صغير انت كاتب جمب التعليقات (( والنبي ما تضرب ))
معلش بلاش نقول والنبي لان الحلف بغير اله شرك وربنا قال اذا حلفتم فاحلفوا بالله
انا اسفة ان كنت بتدخل في شكليات مدونتك بس النصيحة واجبي كمسلمة
ثالثآ : مدونتك بجد لذيذة جدا ربنا يباركلك فيها وتبقى من اكبر المدونات
رابع حاجة البوست
احداث عشناها وبنعشها كل يوم اننا مازلنا واقفين في مكننا الايام بتعدي واحنا مش حاسين ولسة واقفين نتفرج عليها والعالم بره بيتقدم بالاف الخطوات واحنا مازلنا واقفين !!!
لان بكره ديما بيكون اسود من النهارده
لانه مش عارف ممكن يحصل ايه بكره
لفتت انتباهي اوي الجملة دي واسمحلي اني اعارضك فيها
لان مهما النهاردة كان اسود فأكيد بكره هيكون احسن وكل ما سواد النهاردة بيشتد بيدل ان شروق الشمس والنهار هيكون اقوى
انا عندي ثقة بكدة
واحسن حاجة اننا مش عارفين بكرة هيكون فيه ايه
(( لو علمتم الغيب لرضيتم بالواقع ))
......
كل بيت فى مصر بيخاف م الحسد
لان للاسف قلوب الناس مش بقت زي زمان والكل بيبص للي في ايد التاني وليه هو مش عنده دة
لكننا في الاخر كلنا متساويين
للاسف مش بقى فيه قناعة ورضا نفسي وللاخرين
ولا ننسى حديث الرسول صلى الله عليه وسلم (( عينان لا تدخلان الجنة ، الحاقد والحاسد ))
ربنا ما يجعلنا من هؤلاء
......
في النهاية احييك على اسلوبك واعتذر عن الاطالة
دمت بكل الخير
سارة
seven
ربنا يهديه بقى
انت لسه ليك عندى صورة
فتوح ابو المفاتيح
على العكس تماما
ليس به انهزامية ولا شئ من الانهزامية
انما هو توصيف
توصيف لشعب تسمعه وتراه وتخالطه
وفى
النهاية
تكتشف انك واحد منه
تفكر مثله
تحياتى
==================
saragebaly
اولا العفو اى خدمة
=================
ثانيا:
انا والله وانا بكتب الجملة دى كنت بافكر ف كدة بالضبط على العموم هاتتغير حالا
لانه كانت جملة مؤقتة اساسا ومالهاش معنى
===============
اما عن بكرة اللى اسود من النهردة
فانا مختلف معاك جدا
دلوقت كل يوم بنصحى على مصيبة والاحداث ماشية واحنا حاسين ان كل يوم ممكن ننام نصحى مانلاقيش مصر
وعشان كدا احنا بنخاف منه
وبنكرهه
عشان مش قادرين نعمل له حاجة
=================
بالمصادفة
كان هذا عنوان احدى تدويناتى التى كنت اجهزها
لو علمتم الغيب
ولا اعرف ان كنت سانشرها ام لا
اتفق معك فى هذا نحن لا نعلم الغيب وهذا بكل تاكيد افضل
رد طويييل اهو
البروفايل قوى ولذيذ وان كان مش قادر ابدا افهم اية العقة بين eminem and evanscense و طيب الذكر شعبولالالا
واييييييييييييية
واد يا غلبان
مع فرضية إن شعبنا المسكين هو دا حالة
و دي فرضية صحيحة
افترض حاجة كمان
احنا عاوزين نكون أحسن
عاوزين نكون أفضل
عشان حاجة زي دي تحصل
عمرها ما هتكون و احنا قاعدين حاطين ايدنا على خدنا و بنعيط
أو
بقينا سلبيين كباقي أبناء جلدتنا
فلموت أفضل لينا عن شئ مماثل
حاجة قلتها وهفضل اقولها
عشان نبقى احسن
لازم نتحرك
ولازم نتكلم
ولازم نرفض
في حديث عن حبيبي النبي بيقول
لا يكونن أحدكم إمعة
إن احسن الناس أحسن و إن اسائوا أساء
يعني يا عم الغلبان المسكين
لو فيه حد عاوز يكون إمعة مش هيكون انا
أو حد من اللي أعرفهم
لأني هبذل كل جهدي ان إن المكان و الوطن يكون أحسن وأفضل و أروع بلا فساد أو انحلال أخلاق و بحياء بين الناس جميعا
قول يارب
وختاما
محدش عارف الخير فين
سلاااااااااام
صحيح هي نظره تشاؤميه
بس احيانا بيكون بكره احسن من النهارده ده لو الواحد عرف اخطاءه وحاول يصلحها
وبيخاف من الحسد دي نقطه متوارثه واتعودنا عليها لان مع الاسف محدش سايب حد في حاله
وكمان الحسد ذكر في القرآن فلازم نحذر منه
تحياتي ليك كتير واشكرك لزيارتك الدائمه لمدونتي
علي فكره في بوست جديد ياريت تنوره بتعليقك الجميل
تحياتي كمان مره
كل بيت في مصر زعلان على مصر
اشكرك على الزيارة والتعليق
سمراء
خمسة و خميسة
الامل فى الجيل الجديد ان يغير هذه المفاهيم ويسمو بحياته الى الافضل
كل بيت في مصر
يستحق مدونة في حد ذاته
تحياتي يا احمد
مش عارف ارد علي حد عشان النت مقطوع بقاله اسبوع و لسه انا كمان مسافر عااااااااا
صباح الصباح
كويس انك اخدت بالك من البروفايل
انا كان قصدى اعمل مفارقة فعلا
وفعلا انا بحب عبد الرحيم عشان كلمات اغنياته
واييييييييييييييييييييه
================
فتوح ابو المفاتيح
من جديد اكرر انا لم اقصد بهذا الكلام وصف لواقع مصرى سياسى وانما اصف واقع شعبى نفسى
وهل تنكر ان ما اقوله على الصعيد النفسى حقيقة؟
اما عن السلبية والتشاؤم
فانا اتفق معك انها موجودة
ربما صفة الامعية كذلك
ولكنى اختلف معك -ولكل منا رأيه-ان الحياة المعاصرة لم تعد تتحمل او تتسع للحلم بوطن واحد
ربما يجب على كل منا ان يسعى محاولا الخير لنفسه ولمن يستطيع الخير لهم بلا زيادة تحميل على النفس بما لا تطيق
وهكذا تتحقق الواقعية الحقة
========================
تامر
معاك حق انا متشائم
انا عارف كده
المهم
جاااااااااااااااااااااااااااااااااااااااااااااى
=========================
سمراء
دى حقيقة بس مش وطنية ان الواحد يزعل على بلده
طب دا حتى يبقى براجماتى ويدور على مصلحته هو بس ممكن لما كل واحد يدور على مصلحته من غير ما يظلم حد تبقى بلدنا احسن
من غير شعارات
=====================
كفراوى
يا عم قول ما شاء الله
=====================
موناليزا
ديما بيفضل
الامل فى الجيل الجديد
لكن اذا ما كانش الجيل القديم عنده امل واستعداد للجديد بيحصل دايما صدام
=============================
كل بيت فى مصر
يستحق موسوعة كامله
===================
هههههههههههههههههههههه
بجد الشعب المصرى
ده مش تعرف اى تجاه ولا اى سكه ماشى ذى مالناس ماشيه
ربنا يستر علينا
بجد البوست صغير لكن فيه كلام كبير
بعد السلام عليكم
فكرتنى بمدحت صالح لما قال
حلبة ولاعيبة وعالم فى الهوا تتعلق
كلنا ماشيين على الحبل وكلنا بنألأ
خايفين ماللى احنا فيه
وهنعمل ايه
دا مفيش كده
أما الحسد بقى .. فممكن يكون خايف يتحسد على قناعته ورضاه بأمره الواقع
تحياتى
همس الاحساس
صح هو فعلا كلام مبكى بس بيضحك
بس على فكرة دا مجرد رصد لواقع انا متاكد انه مؤقت
وربنا
هو اللى بيده كل شئ
====================
ابو صلاح
بعد وعليكم السلام
كويس لنى فكرتك بكلمات من احسن كلمات الاغنيات اللى اتكتبت
بس دا طبعا مش من تاليف مدحت صالح
اما الحسد دا فامرة يطول
المهم
حمدالله ع السلامه
Post a Comment