الدنيا طابور كبيييير
فى يوم من الايام فى غابر الزمان فى دولة كوسةستان راح الشاطر مصيلحى يشترى عيش ليه ولابنه الجعان.
ذهب الشاطر مصيلحى وحيدا حاملا كيسه البلاستيك الكبيير الذى يصلح ككفن فيل.سار فى طريقة بكل شجاعة سائرا بحذر حتى لايقع فى بركة من برك الاعداء المليئة بالماء و....واشياء اخرى يا اطفالى الأعزاء.
وبعد عبور الخرابة وقتال الكلاب الجربانة وتسلق اكوام الزبا...ال الجاربيدج يا ماى بيوتي كيدز وصل الشاطر مصيلحى الى مقر العصابة (مخبز العيش سابقا)......
فور اقترابه استل الشاطر مصيلحى كيسه ورفعة فى الهواء عاليا( ليعلم من لايهاب ان قد وصل المهاب)ـ كلمة من نفسى ـ وابصر بنظره الخارق اعداء يندفعون نحوه فاستعمل قواه الخارقة فكان اول الواصلين نحو الغرزة(مقر العصابة سابقا) وعندما وصل وجد جيش الاسكندر فى انتظاره.
"اه يا ولاد ال*** انتوا جيتوا امتى" هكذا حيا الشاطر مصيلحى رفاق سلاحه .
استسلم المغلوب على امره (الشاطر مصيلحى سابقا) وتوجه الى مكان دنى (يعنى قريب )من الوكر الاجرامى(الغرزة سابقا) لا يبتعد عنه الا بمقدار 10اميال بحرية.
وانسابت الذكريات من عقله انسياب مياة المجارى من ماسورة الصرف الصحى المشروخة فى شارعه المكسر .
تذكر ان اباه صاحب الفضل الاول فى قدراته الخارقة فهو قد لسعة فى قفا.......انها الشمس لقد مضى على وقفته 5 ساعات منذ الصباح الباكر. والتفت حوله فلم يجد احدا قد تحرك التفت وراءه ليجد شعر انسا..مهلا ان به حياه وعجب الشاطر مصيلحى من هذا الانسان المعفن عجبا انساه ان يهرش شعرة بحثا عن القمل ..ياللعجب!
"يا اولاد ال****** احنا ورانا اشغال"هتف بها جاره ـ بكل تهذيب ـ التفت الشاطر حسن الى انسان الغاب(جاره سابقا)"هو العيش اللى جوة بيعمل ايه "
ـ"بيصيف اصل الدنيا حر عليه"
ودار حوار بينه وبين انسان الكهف(انسان الغاب سابقا) عبر فيه كل منهما عن مكنون حبه لبلده العظيم كوسة ستان صاحب السبعة الاف سنة وميه .
ـ"قوللى عندك ولاد" سأله الشاطر مصيلحى
ـ" عندى خمسة بس ايه مشرفين ابوهم بجد مع ان هما فى المدارسخد بالك من مع ان
ـماشاء الله طب والخامس
ـ"لا دا بيطبل ورا اخته"
لا جدعان بصحيح عيلة تشرف"
"طبعاــ" ياترى ولادك اللى فى المدارس دول لما بتطلب منهم مدرستهم يرسموا معالم بلدهم مش يرسمو الاهرامات البحار النيل ؟!طب ليه مابيرسموش الخربة دى بدل الاهرام او الصرف الصحى بدل النيل وممكن يرسمو الطابور ده بدل ابو الهول و...................................."
ـ"انت بتقول ايه ولادى ما بياخدوش حصص رسم اساسا!!!!!!!!!!!!!!!!!"
وفجأه لمح الشاطر مصيلحى فرجة بين الجموع فسارع ليلحق بمكان فوجد طوووووووووووووووش فوجد نفسه مغطى بالماء والطين و.واشياء اخرى ايضا
ثم حاول القيام فوجد اوووووووووع لقد عبر عليه حيوان الماموث(انسان الكهف سابقا)
"اه يا ابن ال***
هكذا صاح بكل ادب
واندفع بقواه الخارقة نحو مدخل الجحيم(مقر ابليس سابقا)
وفى ثوان معدوده دار صراع بينه وبين التنانين تجلت فيه شجاعته ومهارته لينتهى بفوزه بخمس ارغفة عيش اسود نعم يا اطفالى الاعزاء هل تصدقوا هذا؟ انها الشجاعة انها القوه انه سوب..الشاطر مصيلحى
وهكذا عاد الشاطر مصيلحى الى بيته مسرورا ـطب ازاى؟ـ مغادرا جهنم (الجحيم سابقا) وعشوا فى تبات ونبات وخلفوا صبيان وبنات.
