اكتب هذا فى الرابعة صباحا
قد اذن الفجر وتلح على رغبة فى انهاء البوست بسرعة
لا اعرف ان كنت من المفروض ان اكون سعبدا
ام احزن
ام اقلق
لست ادرى
دعنى اخبركم بخبر
ربما يكون سعيدا
لقد تم ترشيحى
بكلية الطب
فى نفس محافظتى
كنت سعيدا فى بداية اليوم بالطبع
ربما انا حزين بلا سبب
و المؤكد انه ليس بسبب الكلية
فهو حلمى مذ كنت فى السادسة
لا اعرف
انا حزين لاسباب اخرى بالطبع
غدا سأذهب للكلية لتقديم الاستمارة
او هو اليوم
لا اعرف
ولست اعرف لم لا اعرف
حصلت على 6 صور المطلوبة
ابدو جيدا
برنامج الفوتوشوب هذا يفعل المعجزات احيانا
لست سعيدا
لا ادرى لماذا
سلام بقى عشان عاوز الحق الصلاة
14 comments:
احساس باللي هيجرالك
ههههههههههه
بهرج
......
ساعات الواحد ف يالمواقف اللي زي دية
لما بيقابل الحلم اللي استناة
بيتصدم
مبيبقاش عارف يفرح ولا يحزن
هوه اينعم انت هتنسى معنى الافراح في الكلية دية
هههههههههههههه
بهرج
بس تذكر ان الطبيب ( اينعم متبهدل) بس بيفرج كرب عن مسلم
بيدخل السرور علي قلبة
بدخلته البشوشة
هتسمع دعوات من هنا للصبح
المهنة دية هتتعامل فيها مع روح
و كيان
...........
حاول تستمتع بالاجازة علي قد ما تقدر
لو حضرتك محتاج اي حاجة في سنة أولى
فيه مدونيين كتير في طب
وأنا منهم يعني أي حاجة تؤمر بس
بجد مش بهزار
ولا كلام فض مجالس
مع اني معرفش حضرتك
اتمنى لك مستقبل باهر
يا رب تحقق احلامك
شد حيلك يا رجل
الله معك
دمت سالم
سلامٌ عليك
اول حاجة تقبل الله
تانى حاجة
انت مش فرحان
عشان لسه طالع من الثانوية العامة
بس بمجرد ان شاء الله متخلص الورق والكلام ده هتبتدى تفوق كده
وبجد استمتع بوقتك قبل الدراسة متبتدى عشان المشوار طويل
واستمتع برده وقت الدراسة
والحمد لله انك دخلت الحاجة اللى انت عاوزها
فده ان شاء الله هيخلى الدراسة بالنسباالك جميلة
ومتقلقش ان شاء الله
كلها كام يوم وتطلع من الموود ده
ربنا يوفقك
مبروك ياعم
وعقبال ما نقولك مبروك لما تاخد شهادة الطب
تحياتى
بعد السلام عليكم
ألف ألف مبروك
والحمد لله ربنا حققلك حلمك
متخليش الحزن مجهول الهوية دا يسيطر عليك
دلوقتى استمتع بوقتك وبرمج نفسك ان مقبل على مرحلة جديدة من الحياة
وربنا ان شاء الله ييسرلك همومك
ويزيح همك
تحياتى
وتقبل الله
اهم حاجة انك عديت المرحلة المتعبة دى وركز فى اللى جاي
تقبل الله , إن شاء
ألف مبروك , هوه قلق بس , وربنا يوفقك ويارب تكون خير
تقبل الله صلاتك ... وألف مبروك قبولك بكلية الطب طبعاً ... وأكيد زي ما الناس قالولك كدة ... هو موضوع قلق مش أكتر ... وحاول تستمع بوقتك وحياتك الكام يوم دول عشان في مرحلة الدراسة تكون فايق ومديها حقها ... وربنا يوفقك ويوفقنا جميعاً بأذن الله
تقبل تحياتي
سلام عليك يا غلبان
دي اول مرة ازورك في مدونتك
الف مليون مبروووووووووووك
:)
اجمل حاجة انك تتمني شئ ويتحق
زعلان من ايه بقي ؟
فكر انك اتمنيت من ربنا حاجة و ربنا رضاك بيها
ان شاء الله ربنا يوفقك في كليتك و تحقق كل اللي تتمناه
.............
الكلام ده عن البوست الحالي ..
انما قريت بوست عندك
يعني ايه كلمة وطن ؟
ممم وطن
يعني سكن ..يعني امان ..يعني دفا
ممكن تحسه وسط اهلك .او جوه صلاه و انت ساجد لربك ..ممكن تلاقيها في مكان اول مرة تزوره ..ممن تلاقيه في اي لحظة تجمعك بنفسك علي حق و تفهم فيها انت عايزايه في حياتك
الوطن احساس بانك مكتمل ..
احساس ميتوصف الا ب.وطن
سلام
:)
مها
وبتقول والنبي ما تضرب!!ه
عموما الف الف مبروك لكن انا اعتقد ان السعادة شعور يبرز وسط الناس
ومن الناس قد ينبع..تصور ان الله قد جعلك سببا لشفاء احدهم فدعا لك
الف مبروك وبالتوفيق
كده يابنى سايبنى ادور على المدونة بقالى سنة واقول هى راحت فين دى لانى كنت بجيبها من اللينك اللى حطاه عندى فى المدونة وادخل ملقيش حاجة لحد ماقلت اجرب اجيبها من التعليق لقيتك حى ترزق وطلعت دحيح اهوه ماشاء الله
الف مبروك وعقبال التخرج بقي
بس ايه ده هو انت طلعت زى مابفرحش بحاجة ابدا ياعم افرح حد لاقي
يالا سلام بقي
اعمل استخارة وان شاء الله ربنا يوفقك ويهديك للى فيه الخير
اولا مبروك ان حلمك اتحقق
وعادة لما بنفاجئ بتحقيق احلامنا بتختلط المشاعر جوانا
خوف وفرح ودهشة واضطراب ..............الخ
بالتوفيق دائما
سمراء
دعنى اخبرك انا...
أأنت فى ذاك العالم ما بين الحزن والفرح
اذن مرحى يا فتى فأنت الآن تعيش اكثر لحظات حياتك جنونا
انت زيي تمام موش عارف تفرح ولا تزعل ولا حتى تصدق بأنك جبت مجموع كبير و الناس بتوع العيلة الكبار اعتبروك فرداً مهما فى العائلة الكريمة
مبروك ع الكلية
اهو الواحد بيذاكر وبيرمى مذاكرته للبحر وبتيجى تانى بمجموع حلو :)
ربنا يستر عليا انا بقى
ربنا يوفقك ودايما كل خطوة فى بداية طريق مش عارفينه بيبقى مقلق
توكل على الله وربنا هيوفقك
Post a Comment